ການປະຕິບັດບັນດາມາດຕະການປ້ອງກັນແຜ່ລະບັດພະຍາດໂຄວິດ-19 ໃນໂຮງງານອຸດສາຫະກໍາປຸງແຕ່ງ ແລະ ຫັດຖະກຳ ຂອງຄະນະສະເພາະກິດ ກະຊວງອຸດສາຫະກຳ ແລະ ການຄ້າ

ໃນສະພາບການແຜ່ລະບາດພະຍາດໂຄວິດ-19 ກໍາລັງແຜ່ລະບາດຢ່າງກວ້າງຂວາງໃນທົ່ວໂລກ ນີ້ ປະເທດເຮົາກໍ່ໄດ້ຮັບຜົນກະທົບຈາກການແຜ່ລະບາດດັ່ງກ່າວຫຼາຍພໍ່ສົມຄວນ ແລະ ຊື່ງພະຍາດໄດ້ມີການແຜ່ລະບາດໄປຫຼາຍແຂວງ ແລະ ຫຼາຍຊຸມຊົນໃນສັງຄົມ. ການປ້ອງກັນການແຜ່ລະບາດພະຍາດໂຄວິດ 19 ໃນຂົງເຂດວຽກງານການຜະລິດໃນບັນດາໂຮງງານອຸດສາຫະກຳປຸງແຕ່ງ ແລະ ຫັດຖະກຳນັ້ນ ກົມອຸດສາຫະກຳ ແລະ ຫັດຖະກຳ ກໍ່ຄືກະຊວງອຸດສາຫະກຳ ແລະ ການຄ້າ ກໍ່ໄດ້ອອກແຈ້ງເປັນແຕ່ລະໄລຍະໃຫ້ບັນດາໂຮງງານອຸດສາຫະກຳປຸແຕ່ງ ແລະ ຫັດຖະກຳ ປະຕິບັດມາດຕະການການປ້ອງກັນການແຜ່ລະບາດພະຍາດ ໂຄວິ 19 ພາຍໃນໂຮງງານ ຂອງຕົນ ໂດຍໃຫ້ການຕິດຕາມກວດກາ ການເຄື່ອນໄຫວ ເຂົ້າ-ອອກ ຂອງແຮງງານ ຢ່າງເຂັ້ມງວດເປັນປົກກະຕິ, ມີການວັດແທກອຸນຫະພູມກ່ອນເຂົ້າເຮັດວຽກ, ໃຊ້ເຈວລ້າງມື, ສະບູ, ຜ້າອັດປາກ-ອັດດັງ, ຮັກສາໄລຍະຫ່າງ ຊຶ່ງເຫັນວ່າບັນດາໂຮງງານອຸດສາຫະ ກຳປຸງແຕ່ງ ແລະ ຫັດຖະກຳ ໃນຂອບເຂດທົ່ວປະເທດ ແມ່ນສາມາດປະຕິບັດບັນດາມາດຕະການປ້ອງກັນການແຜ່ລະບາດພະຍາດໂຄວິດ 19 ໄດ້ດີ ຊື່ງສະແດງອອກໃນການຈັດຕັ້ງປະຕິບັດບັນດາມາດຕະການຕ່າງໆ ໃນໂຮງງານຕັດຫຍິບ ແລະ ໂຮງງານເກີບ ໃນຂອບເຂດນະຄອນຫຼວງວຽງຈັນ ຈຳນວນຫຼາຍກວ່າ 30 ແຫ່ງ ມີແຮງງານທັງໝົດ 15,945 ຄົນ ຍັງບໍ່ທັນໄດ້ມີການແຜ່ລະບາດພະຍາດດັ່ງກ່າວ ຜູ້ປະກອບການກໍ່ໄດ້ຊຸກຍູ້ສົ່ງເສີມໃຫ້ພະນັກງານ-ກຳມະກອນພາຍໃນໂຮງງານຂອງຕົນໄປຊັກວັກຊິນຕາມຈຸດທີ່ ພັກ-ລັດ ໄດ້ກຳນົດໄວ້ ມາຮອດປະຈຸບັນ ຈຳນວນແຮງງານທັງໝົດໃນໂຮງງານຕັດຫຍິບທີ່ເກັບກຳໄດ້ 15,945 ໄດ້ຮັບວັກຊິນແລ້ວ 9,298 ກວມເອົາ 58% ແລະ ຈຳນວນແຮງງານທີ່ກຳລັງລໍຖ້າຮັບວັກຊີນ 6,647 ກວມເອົາ47%